LAST NA, PRAMIS!

Meron ka bang mga bagay na kinaadikan na gawin?
Tulad ng paglalaro sa cellphone o computer?
Pagkain sa mga Korean resto o pag-inom ng milk tea?
Pamimili ng mga damit, bag, o sapatos na walang preno?

Na sa sobrang dalas at kapag nakararanas tayo
ng mga consequences, napapasabi tayo ng:
“Last na, pramis!”

Kapag paubos na ang pera kakashopping.
“Last na, pramis!”

Kapag sumakit ang lalamunan kaka milktea…
“Last na, pramis!”

Kapag masakit na ulo sa puyat kakakompyuter…
“Last na, pramis!”

Okay sana kung totoo pero kung
lagi na lang nating sinasabi pero
‘di naman ginagawa. Bale wala rin.

Ang masama pati kapag napapahamak na
pero ayaw pa rin natin tigilan.
‘Di natin minsan maintindihan kung
ano ba hinihintay natin just to finally stop.

Kapag last na last na.
Dapat…

WE SHOULD BE TRUE TO OUR WORD

Kapag sinabing last na, last na.
Hindi yung sinasabi lang natin ito para
lang mapagtakpan o ma-justify ang isang habit.

“Ang hirap kasi talaga”
“Eh nakakatempt kasi yung itsura”
“Nadala lang ako sa sinabi kong last na noon”

Bakit nga ba natin sinasabing LAST NA?
Kasi may mali?
Kasi masama?

O kaya hindi na maganda ang dulot ‘di ba?
Kasi kung hindi at lagi lang
parang sinasabi sa hangin yung pangako
nating iyon sa sarili, tayo rin ang kawawa bandang huli.

KNOW WHAT HINDERS YOU FROM CHANGING

Bakit ba hanggang salita lang tayo?
Naiimpluwesiyahan ba?
Hindi natin talaga sineseryoso?
Pabago bago ang isip?

“Kasi ‘pag sweldo, naaaya ako lagi ng officemates”
“Pag napapadaan kasi ako sa mall, nahihikayat ako”
“Naiinip kasi ako kaya mobile games na lang.”

Once we have identified the cause
mas madali para sa atin na magbago.
The change will start from admitting
what’s wrong and not denying.

Kapag laging inaaya, say NO next time.
Umiwas sa mall at magpalit ng route pauwi.
Maglinis ng bahay o tumulong kina Nanay para hindi naiinip.
Kapag klaro ang cause,
mas klaro rin ang solusyon.
Kung hindi na kaya at hirap talaga…

ASK HELP KUNG KAILANGAN NA

Hindi natin kayang magbago ng mag-isa.
Mangangailangan at mangangailangan talaga tayo
ng mga taong pwedeng tumulong sa atin at
magpaalala na hindi na maganda yung ginagawa natin.

“Friend, naka tatlo kana today ah”
“Bes, matulog ka na”
“Kukunin ko ang cellphone mo tuwing 10pm”
Someone na pakikinggan natin at susundin.

Para unti-unti, matanggal na sa atin
yung habit iyon.

“Kapag sinabing LAST NA, dapat LAST NA. Lalo na kung ang ginagawa natin ay ikapapahamak na.”
-Chinkee Tan, Filipino Motivational Speaker

THINK. REFLECT. APPLY

• Ano yung mga habit na sinasabihan mo ng “Last na, pramis!”?
• Bakit nahihirapan kang tuparin ito?
• Sino ang pwede mong makatulong para maalis na ang habit na ito?

The post LAST NA, PRAMIS! appeared first on Chinkee Tan.