Branded at mamahalin ba ang mga damit mo?
Lagi ka bang flashy or flamboyant?
Hindi ka ba nagpapahuli sa latest fashion?
Punong-puno na ba ng samu’t-saring damit ang aparador mo?
Do you dress to impress?
Kung ikaw ay isang fashionista, I’m sure alam mo na ‘yung latest fashion called “MARONG” (maong paired with a barong).
Iyan ang madalas na suot ng ating bagong Pangulo sa kanyang mga lakad. I’ve heard of suit plus maong, but never pa tayong naka-encounter ng barong and maong na combination. Hindi natin masyadong ikakagulat kung ang magsusuot nito ay isang ordinaryong mamamayan. Pero kung Pangulo ang magsusuot nito, tapos sa inauguration pa niya, talaga namang kakaiba!
Some might say, pauso or own style ito ni President Digong. Pero it only reflects one thing – even with the way he dresses, masasabi mong tunay siyang makamasa. Sa pananamit pa lamang niya, makikita mong ‘di sya mahirap ma-reach!
Nakakatuwa na meron tayong Presidente na talaga namang cool na cool at walang kaarte-arte sa katawan. Tulad ng mga well- known movers and shakers like Steve Jobs (inventor ng Apple computers) and Mark Zuckerberg (founder ng Facebook) na napakasimple manamit, ganoon din ang ating Pangulo. Simple ang pananamit kahit siya ang pinakamakapangyarihan sa bansa.
Maybe you’re thinking, ano nga ba ang mapapala mo sa simpleng pananamit? Marami, kapatid! Allow me to share some of the benefits of wearing something simple:
HINDI MAGASTOS
Kapag nasanay tayo sa simpleng pananamit, hindi mabubutas ang bulsa natin. May mga iba kasi na imbis na ikain nalang o ibayad sa responsibilities, nauuwi lang sa pagbili ng mga damit.
HINDI NAKAKA-STRESS
Naranasan mo na ba ‘yung feeling na…
Hirap na hirap kang pumili ng isusuot mo sa pang-araw-araw?
Sangkatutak ang damit mo pero feeling mo, wala kang masuot kahit isa?
Lagi kang nakabantay at nakasubaybay sa kung anong uso? Ayaw mo kasi na maging out of style ka.
Nalulubog ka na sa utang sa kakabili ng mga damit na ‘di mo naman kailangan o nagagamit?
Nakaka-stress, hindi ba?
HINDI KA LAPITIN NG MAGNANAKAW
Minsan kapag posturang-postura ka, napagkakamalan kang mayaman at mapera kahit hindi naman. Kaya naman kung minsan, ‘yung mga bongga manamit, sila ang malimit na biktima ng mga holduppers at snatchers.
Iisa lang ang purpose ng damit and that is to cover our bodies. Hindi naman masamang magdamit ng bongga. Depende rin ‘yun sa tao at sa kanyang preference. But the next time you buy or wear something extravagant, you are welcome to reflect on these benefits I shared with you. The choice is yours.
THINK. REFLECT. APPLY.
Paano ka manamit?
Simple ba o bongga?
Bilib ka ba sa style ni President Duterte when it comes to wearing simple clothes?
Chinkee Tan Books
MY BOOKS WILL TEACH YOU ABOUT FINANCIAL LITERACY, LIVING A DEBT-FREE LIFE AND HOW TO HAVE A POSITIVE LIFESTYLE! ALWAYS CHINK POSITIVE!
Upcoming Events
The post Pres. Duterte Tipid Tips: Wear Something Simple appeared first on Chinkee Tan.